O le tusi a Lagipoiva ia Tupaimatuna I le alo atu I le TEDx Tauraga

Standard

Tupai,

Ina ua ou logo tala I luga o upega tafailagi ua tofia oe e avea ma se failauga I le fonotaga o le TEDx I Tauraga i Niu Sila, ou te ta’utino atu lava, na fa’ateia a’u. E le’I o’o lava so’u manatu o le a tofia oe I lenei ituaiga fa’asoa, aua e pei lava e tele lou tomai ma lou naunautaiga I failauga a papalagi, e pei ona iai lou tofi I le taimi nei, I le Iunivesete Aoao fa’a Tekinolosi o Aukilani. Ae fa’apea, o lo’u te’I, o se te’i fiafia ma se te’I fa’ane’ene’e ona ua ausia e seisi lava o lo’u lava tino, e puna mai i le Tuisafua, le na fa’amoemoe iai le Tagaloa, i lenei tulaga.

fotu

O lou ausia o lenei fa’atasiga failauga Fa’aperetania o se la’asaga maoa’e ma matagofie. O se la’asaga e tatau ma ono iai le fa’aeaea a le Tuisafua, le Va’asili, le Tevaga, le Tauo, le Leilua, le Toleafoa, le Tupai, le Lealali ma le Sao. E ono iai le sa’asa’a fa’a Tausala a le Masina Sao, le Iliganoa fa’apea ma le Lagipoiva.

 

O le tofia o oe e avea ma leo e momoli atu ai le lauusiusi o tala tu’u a le tatou atunu’u, ua manino mai ai le auga tonu lava na fa’ae’e atu ai e Tuisafua le Tupaimatuna ia te oe. O oe o le alo o Lealali ma le Malelegaaletoelau, o oe na e tala gafa I Toga na tupuga mai ai le Vaasiliifiti. O oe o Tupaimatuna, le o le a fa’aleoina talatu’u ma tala o le vavau.

O oe lava o le toa, ua e fa’amitamitaina lenei tagata I au aga. Atonu e fa’atusa lenei sagisagi atu I le fiafia a le manu ua tau atu I se fuga o se la’au, e fa’atusa i le sulugia o le ao ina ua pai atu I ave o le la I le taeao po.

Ia alo atu ia ou faiva aua le fa’alauaiteleina o le iloa ma le malamalama o tagata lautele o le atu Pasefika, ma le lalolagi atoa I lenei tomai o le fai fago’go.  O oe o le tina o Moelagi ma le Tuifiti, o toa ia e teu fatu I lou loto a’o e alo atu i au sauniuniga.

Ia tafetoto ou ala.

Ia fa’agaganaina oe

Ia tu Ieova I lo ta va.

 

Uso,

O ou mama na.

Malo le fa’aeaea aiga.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s